Eldur í grannalagnum

Tað vóru starvsfólk á skrivstovuni hjá Vest Pack, sum í morgun kl 9:00, ringdu 112 og boðaðu frá at nógvur roykur, kom frá timburverkstaðnum hjá Olaf Haldansen.

Eftir at boð vóru send eftir sløkkiliðnum, fóru starvsfólk frá Vest Pack í skundi at royna at halda eldinum niðri við pulvursløkkjarum, og hetta hjálpti væl, hóast lítið sást fyri nógva roykinum.
Tað gingu bert 11 minuttir, frá tí at brunaumsjónarmaðurin fekk boðini, til fyrsti brandbilurin, við roykkavarum var á staðnum.
Eftir 20 minuttum varð staðfest at eldurin var slóktur.
Eingin fólkaskaði stóðst av eldinum, men nakað av materiellum skaða var.